Plantun de Prouvènço

Pèr coumpara dos planto d'encò nostre

Primula farinosa & Hypericum richeri

Primula farinosa

Primulaceae

Nom en français : Primevère farineuse.

Descripcioun :
Dins la Tiniò, ié dison "las flours-de-Jano-d'Arc" (J.-L. Domenge in LMT, op.cit. p. 60). Es uno primadello dindouleto di flour roso emé lou centre jaune e blanc, que trachis dins li pelouso e li prado bagnado d'auto mountagno. Li fueio, touto basalo, soun quàsi ouvalo e merletado.

Usanço :
Couneissèn pas d'usanço particuliero pèr aquelo planto. La racino caup de sapounino. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Primula
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 1 cm
Flourido : Printèms - Estiéu

Sòu : ca
Autour basso e auto : Pancaro entresigna
Aparado : Noun
Mai à jun

Liò : Prado umido - Bas-palun
Estànci : Subaupen
Couroulougi : Éurasiatico
Ref. sc. : Primula farinosa L., 1753

Trescalan(-de-Richer)

Hypericum richeri

Hypericaceae Guttiferaceae

Nom en français : Millepertuis de Richer.

Descripcioun :
Lou trescalan-de-Richer trachis en mato dins li mountagno basso e mejano. Fai ges de ramo lateralo esterlo, li fueio, un pau verdalo, soun óuvalo e longo de 15 à 60 mm e bourdado de glando negro. Se recounèis peréu à si gràndi petalo tacado e à si sepalo bourdado de franjeto peréu tacado de glando negro (fotò). La subsp. dis Aup, ié dison richeri.

Usanço :
La tisano èi vertuouso contro li mau d'estoumac, lis enflamacioun di brouncho e de la vessigo. S'emplego peréu pèr garri li plago. Lou flour caupon un coulourant jaune.

Port : Erbo
Taio : 10 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Hypericum
Famiho : Hypericaceae
Famiho classico : Guttiferaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 14 à 18 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Pelouso umido - Prado à rousèu - Esboudèu - Melounié
Estànci : Mountagnard à Subaupen
Couroulougi : Ouroufito-Sud-Éuropo
Ref. sc. : Hypericum richeri Will., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Primula farinosa & Hypericum richeri

ges

Coumpara Flour-de-Jano-d'Arc emé uno autro planto

Coumpara Trescalan(-de-Richer) emé uno autro planto